Ч.Сайханбилэг, П.Цагаан нарыг эрэн сурвалжилж байна

Ерөнхий сайд асан Ч.Сайханбилэг, Ерөнхийлөгчийн тамгын газрын дарга асан Д.Цагаан нарыг Цагдаагийн ерөнхий газраас эрэн сурвалжилж байна. 

Ерөнхийлөгчийн тамгын газрын дарга асан П.Цагааныг Эрүүгийн хуулийн 18.3-ын нэгдүгээр зүйлд зааснаар мөнгө угаах гэмт хэргийг байнга тогтвортой үйлдсэн үндэслэлээр яллагдагчаар татан шалгаж байсан. Тодруулбал,  "Ачит Ихт"-ийн эзэн П.Цагаан нь Ц.Элбэгдоржтой хамтрах замаар 13 сая ам.долларыг сонгуульд зориулан "угаасан" гэх хэрэгт татагдан шалгагдаж байсан. 

Харин Ерөнхий сайд асан Ч.Сайханбилэг нь 2019 онд АНУ-ыг зорьсон. Түүнийг интерполоор эрэн сурвалжилж, "Шувуу" ажиллагааны хүрээнд авчрах хүмүүсийн нэгээр нэрлэж байсан. АТГ-т өнгөрсөн хугацаанд багагүй хэргүүд нь шалгагдаж байсны дотор "Эрдэнэтийн 49 хувь", "Оюутолгой" зэрэг ч багтдаг. 

Тэгвэл ямар нэгэн байдлаар хэргүүд нь бүдгэрсээр байдаг эл эрхмүүдийг Цагдаагийн ерөнхий газраас эрэн сурвалжилсан хэвээр байгаа аж.