УИХ-ын Төрийн байгуулалтын байнгын хороо яг одоо /2023.05.05/ хуралдаж, Засгийн газраас өргөн барьсан Үндсэн хуулийн нэмэлт, өөрчлөлтийн төслийн талаар хэлэлцэж байна.
Эл хурал дууссаны дараа, 12:00 цагаас УИХ-ын ээлжит чуулган хуралдахаар болжээ.
Сануулахад, Монгол Улсын Үндсэн хуульд нэмэлт, өөрчлөлт оруулах хуулийн төслийг өнгөрөгч тавдугаар сарын 3-нд ЗГХЭГ-ын дарга Д.Амарбаясгалан УИХ-ын дарга Г.Занданшатарт өргөн барьсан билээ.
Эл нэмэлт, өөрчлөлтийн төсөлд УИХ-ын гишүүдийн тоог 152 болгож, сонгуулийн холимог тогтолцоог нэвтрүүлэхийг тусгасан.
