Дэлхийн Оюуны Спортын холбооноос зохион байгуулж буй “WISF-Antalya 2023” олон улсын тэмцээн Турк улсын Анталия хотод болж байна. Тэмцээн энэ сарын 7-нд эхэлсэн бөгөөд 9-нд дуусах юм.
Энэхүү тэмцээнд Монголын Оюун Ухааны Академийн 8-12 насны 11 тамирчин, багш дасгалжуулагчийн бүрэлдэхүүнтэйгээр оролцож байгаа юм.
Тэмцээний “Цээж бодолт”-ын төрөл өчигдөр болжээ. Уг төрлийн бага насны ангилалд манай улсаас дөрвөн тамирчин оролцож, эхний таван байрт шалгарсан байна.
Тодруулбал,
- 1-р байр: С.Чингим
- 2-р байр: Б.Гарьд
- 3-р байр: Ө.Амин-Эрдэнэ
- 5-р байр: Б.Тэмүүлэн (тусгай байр) эзэлжээ.
Тэд өнөөдөр насны ангилалгүй төрөл болох “Absolute Champion”-ы төлөө өрсөлдөнө.
Тус тэмцээн нь Mental Arithmetic /Цээж бодолт/, Speed cubing /рубик шоо/, Spelling bee /үсэглэлийн аварга/ гэсэн гурван төрлөөр зохиогдож буй.
