БОАЖ-ын Сайд Б.Бат-Эрдэнэ долоо хоног бүрийн мягмар, пүрэв гарагт салбарын төлөөлөлтэй “ӨГЛӨӨНИЙ УУЛЗАЛТ” хийдэг. Өнөөдөр (2023.05.09) Хуш мод хамгаалал ба монгол самрын үйлдвэрлэгчид болон Самрын холбоодын төлөөлөлтэй уулзаж буй юм.
Тодруулбал,
- Үйлдвэрийн болон ахуйн зориулалтаар түүж бэлтгэх асуудлыг ялгах, ченжийн асуудлыг цэгцлэх;
- Хуш модны самрыг байгалийн ургамлын тухай хууль эсвэл Ойн тухай хуулиар зохицуулагдах эсэх;
- Хуш модны хамгааллыг Төр хувийн хэвшил хамтран хийх;
- Самар түүж бэлтгэх тусгай зөвшөөрөл олголтыг цэгцлэх, стандартыг шинэчлэх;
- Гаднын зах зээлд нийлүүлэлт хийхэд шударга өрсөлдөөнийг бий болгох, татварын дарамт их байдаг тухай;
- Ойг эзэнжүүлж хариуцлагын гэрээг аж ахуйн нэгжтэй хийх, ажилчдын аюулгүй байдлыг хангах, зөв зохистой ашиглалтыг бий болгох зэрэг асуудлын хүрээнд өрнөж байгаа юм.
Уулзалтад БОАЖЯ-ны Хүрээлэн буй орчны бодлого зохицуулалтын газрын дарга Б.Буяннэмэх, Салбарын хяналтын газрын дарга Б.Мөнхтогтох, Хуулийн хэлтсийн дарга Т.Санчир, Ойн газрын Ойн нөөцийн хэлтсийн дарга Г.Бат, ХХААХҮЯ-ны Худалдаа,хоол үйлдвэрлэл үйлчилгээний хэлтсийн дарга О.Онон болон Монголын самар үйлдвэрлэгчдийн эрх ашгийг хамгаалах холбоо, Монгол самрын кластер ТББ, Самар үйлдвэрлэгчдийн холбоо болон Самар үйлдвэрлэгч аж ахуйн нэгжийн төлөөлөл оролцлоо.
