“Шандас ММА” клубын тамирчин, ONE championship холбооны “Road to One Mongolia” холимог тулааны анхны ялагч Б.Энх-Оргилын хоёр дахь тулааны тов гарлаа.
Тэрбээр Тайландын алдарт Лумпини стадиум (Lumpinee Stadium)-д энэ сарын 19-нд Вараяын дайчин хочит Роки Бактол (Rockie Bactol)-той тулалдах юм. Филиппиний тамирчин Роки Бактол нь мэргэжлийн тулаанд 5 ялж, 2 хожигдол хүлээж байжээ.Б.Энх-Оргил Лумпини стадиумд болсон ONE Fight Night-13 арга хэмжээний үеэр ONE WARRIOR SERIES PHILIPPINES -ий ялагч Адонис Севилленотой 4-р сарын 21-нд тулалдаж шүүгчдийн нэгдсэн саналаар ялсан юм.Тулаанч Б.Энх-Оргил “Road to One Mongolia” холимог тулааны анхны ялагч болж, ONE championship холбоотой 100 мянган долларын гэрээ байгуулах эрх авсан. Тэрбээр эхний тулааны дараа үргэлжлүүлэн Тайландад бэлтгэлээ хийхээр үлдсэн юм.