Тээврийн хэрэгслийн шинэчилсэн бүртгэл, үзлэг, тооллого 2023 оны гуравдугаар сарын 03-ний өдрөөс улс орон даяар эхэлсэн билээ. Улсын хэмжээнд нийт 1,264,542 тээврийн хэрэгсэл шинэчилсэн бүртгэлд хамрагдахаас 2023.05.31-ний өдрийн байдлаар 1,087,255 тээврийн хэрэгсэл буюу 85,98% нь шинэчилсэн бүртгэлд хамрагдаад байна.
Тодруулбал,
- 846,174 тээврийн хэрэгсэл техникийн хяналтын үзлэгт хамрагдсан,
- 174856 тээврийн хэрэгсэл бүртгэлийн сангаас хасагдсан,
- 150,647 тээврийн хэрэгсэл 5-аас дээш жил техникийн хяналтын үзлэгт хамрагдаагүй шалтгаанаар хасагдсан,
- 13,740 тээврийн хэрэгсэл өмчлөгчийн хүсэлтээр хасагдсан,
- 10,469 тээврийн хэрэгсэл түр журмын хүрээнд хасуулах хүсэлт өгсөн,
- 64,078 тээврийн хэрэгслийн өмчлөгч эзэмшигчтэй холбогдож учир байдлыг тодруулсан,
- 2,145 тээврийн хэрэгсэл нотариатын гэрээ хийсэн боловч бүртгэлийн байгууллага дээр өмчлөгчийн бүртгэл /шилжилт хөдөлгөөн/ хийгдээгүй байна.
Шинэчилсэн бүртгэл 2023 оны 6-р сарын 15-ыг хүртэл үргэлжилнэ. Жолооч та, дээрх хугацаанд амжиж хүсэлтээ илгээж, тээврийн хэрэгслийн шинэчилсэн бүртгэл, үзлэг, тооллогодоо идэвхтэй хамрагдахыг зөвлөж байна. Шинэчилсэн бүртгэлтэй холбоотой дэлгэрэнгүй мэдээллийг, АТҮТ-ын лавлах утас: 1900-1234
Hugtsaa arai bogino bnaa sungaachee gadaadad bna hooy?!!!!