УИХ-ын гишүүн Д.Тогтохсүрэн УИХ-ын сонгуулийн тухай хуулийг нэмэлт, өөрчлөлтийн төсөл батлагдсантай холбогдуулан мэдээлэл хүргэж байна.
Түүний онцлон хэлсэн заалтуудыг хүргэе.
- Жагсаалтаар сонгоход Монгол Улсын нутаг дэвсгэр нэг тойрог байна
- Гадаадад байгаа иргэдээс санал авна. Ингэхдээ зөвхөн жагсаалтаар нэр дэвшигчийн саналыг л авна. Тойрогт нэр дэвшиж буй нэр дэвшигч нарт санал өгөх боломж байхгүй. Гадаадад байгаа иргэдээс санал авах өдөр хоёр байсныг дөрвөн өдөр болгосон
- Жагсаалтад орсон нэр дэвшигчдийн мэдээлэлтэй танилцах боломжоор хангаж байгаа
- Сонгуульд нэр дэвшиж байгаа нам эвсэлд сонгогчдын нэрсийн жагсаалтыг санал авах өдрөөс 20 болон гурав хоногийн өмнө цахим хэлбэрээр өгнө
- УИХ дахь ТББХ-ны харьяа Сонгогчдын нэрсийн жагсаалт, бүртгэл хяналтын дэд хороог цөөнх ахална
- Нэг хүйсийн буюу эмэгтэйчүүдийн квот 20 байсныг 30 хувь болгон нэмсэн. 2028 оноос 40 хувь болгоно
- Сонгуулийн сурталчилгаан ашиглах тээврийн хэрэгслийн тоо дөрөв байсныг хоёр болгосон
- Хэвлэмэл материал буюу сонин, сэтгүүл гурав байсныг хоёр болгосон
- Тойрогт нэр дэвшигчдийн зурагт хуудсыг байрлуулсан нэгдсэн самбар гаргана. Үүнийг сум, дүүргийн Засаг дарга бэлтгэж, байрлуулна.
- 200 сонгогч тутамд нэг ухуулагч байсныг нийслэл болон аймгийн төвд 400 сонгогч тутамд нэг ухуулагч, бусад газарт 200 хүртэлх сонгогч тутамд нэг ухуулагчтай байна.
- Тойрогт нэр дэвшигчид болон нам эвсэлд өгсөн саналыг тэмдэглэх хоёр саналын хуудас бөглөнө. Мөн бэхэн тэмдэглэгээтэй болж буй
- Санал авах ажлаа дууссаны дараа бүх хэсгийн хороонд хяналтын тооллого хийнэ.
