Үндэсний их баяр наадмын зохион байгуулалтыг хэрхэн хийх талаар Баяр наадам зохион байгуулах салбар хороодоос мэдээлэл өгч байна. Мэдээллийг агуулгаар нь нэгтгэн хүргэе.
- Наадмын бэлтгэл ажил 80 орчим хувьтай явж байна.
- Баяр наадмын тасалбар, машины зөвшөөрлийг өнгөрсөн жилтэй адил цахимаар худалдаална.
- Тасалбарыг долдугаар сарын 1-нээс enaadam.mn хаягаар худалдаалж, эхэлнэ.
- Өнгөрсөн жил долдугаар сарын 11,12-ны билетийг нэг багц болгоод худалдаалдаг байсан бол энэ жил хоёр өдрийн билетийг тус тусад нь борлуулахаар болжээ.
- Үнийн тухайд, нэг өдрийн тасалбар сүүдрэвчтэй – 52,500 төгрөг, сүүдрэвчгүй нь 42,000 төгрөг байх аж. Мөн автомашины зөвшөөрөл 21,000 төгрөгийн үнэтэй байна.
- Тасалбар захиалдахдаа нэг цагийн дотор төлбөрөө төлнө.
- Жуулчдад олгох тасалбарын тоог өмнөх жилийнхээс 400 ширхгээр нэмжээ.
