Азийн волейболын холбооноос зохион байгуулдаг “Challenge Cup” тэмцээний эмэгтэйчүүдийн төрөл зургадугаар сарын 18-наас 25-ны өдрүүдэд Индонезийн Зүүн Жава эргийн Гресик хотод болж өндөрлөсөн билээ.
Тус тэмцээний эрэгтэйчүүдийн төрөл БНХАУ-д өнөөдөр /2023.07.08/ эхэллээ.
Монгол Улсын шигшээ баг эхний тоглолтоо 10:00 цагаас Макао улсын багтай хийж, 3:0 харьцаагаар ялалт байгуулав.
Онооны харьцааг тодруулбал,
- 1-р үе – Монгол 25 : 14 Макао
- 2-р үе – Монгол 25 : 20 Макао
- 3-р үе – Монгол 25 : 19 Макао харьцаагаар хожсон юм.
Тус тэмцээнд Өмнөд Солонгос, Австрали, БНХАУ-ын Хонгконг, Макао тэргүүтэй 15 баг оролцож байна. Багууд зургаан хэсэгт хуваагдсан бөгөөд Монгол Улсын баг “D” хэсэгт Филиппин, Макао улсын багуудтай оржээ.
Улмаар манай баг дараагийн тоглолтоо долдугаар сарын 10-ны 10:00 цагаас Филиппин улсын багтай хийнэ.
Тэмцээнийг elevensports.com хаягаар шууд дамжуулж байна.
Х.ТҮШИГ
