ОХУ-ын Ерөнхийлөгч Владимир Путин Крымын гүүрэн дээр үйлдэгдсэн халдлагын хариуцлагыг Украин хүлээнэ гэж мэдэгджээ. Оросын төрийн тэргүүн долдугаар сарын 17-нд болсон үйл явдлын эргэн тойрон дахь нөхцөл байдлын талаарх уулзалтын үеэр “Батлан хамгаалах яам холбогдох саналуудыг бэлтгэж байна” гэж мэдэгдсэн байна.
Путин, Крымын гүүрэн дээр гарсан халдлагыг “хоёр дахь террорист халдлага” гэж нэрлэжээ. Тэрбээр “Энгийн иргэд амь үрэгдэж, хүүхэд бэртэж, эцэг эхгүй үлдлээ. Охин, түүний төрөл төрөгсдөд шаардлагатай бүх тусламжийг үзүүлж, энэ асуудлыг хяналтдаа авахыг бүс нутгийн удирдлага болон холбооны эрх баригчдаас хүсч, эхний зааварчилгаагаа өгчээ.
ОХУ-ын төрийн тэргүүн мөн Холбооны аюулгүй байдлын алба, Мөрдөн байцаах хороо болон бусад хэлтэст “халдлагыг нарийвчлан шалгаж”, “бүх нөхцөл байдлыг” тогтоохыг үүрэг болгосноо тэмдэглэжээ.
Путин “Энэ бол Крымын гүүрэн дээр үйлдсэн хоёр дахь террорист халдлага учраас стратегийн ач холбогдолтой тээврийн хэрэгслийн аюулгүй байдлыг сайжруулах талаар тодорхой саналуудыг хүлээж байна” гэж хэлсэн байна.
Түүний хэлснээр, Крымын гүүрний төмөр замын хэсгийн хөдөлгөөн хэдийнэ сэргэжээ. Мөн тэрбээр террорист халдлагын улмаас гэртээ харьж, амрах боломжгүй болсон жолооч, галт тэрэгний зорчигчдыг дэмжихийг үүрэг болгосон байна.
Путин мөн хүнс, усны асуудал хэрхэн шийдэгдэж байгаа, эмнэлгийн анхан шатны тусламжийн цэг хүрэлцээтэй байгаа эсэх, замын хөдөлгөөний урсгалыг хэрхэн өөрчилж байгаа, шалган нэвтрүүлэх боомтууд болон цэгүүдийн үйл ажиллагаа, Керчийн хоолойгоор дамжин өнгөрөх гатлага онгоцны боломжийг хэрхэн ашиглаж байгаа талаар мэдээлэл өгөхийг хүссэн байна.
Э.ЭГШИГЛЭН
