Монгол Улс нь Зүүн, Зүүн-Өмнөд Азийн Геологийн Шинжлэх Ухааны Төсөл Хөтөлбөрийг Зохицуулах Хороо (CCOP)-ны гишүүн орноор 2018 онд элсэж, хамтын ажиллагаагаа өргөжүүлэн ажиллаж байна.
Энэхүү хорооны гишүүн орнуудын иргэдэд БНСУ-ын Ханьян Их Сургууль тэтгэлэг олгох гэж буй аж.
Тодруулбал, тус сургууль 2024 оны гуравдугаар сарын 02-нд эхлэх “Global Energy Technology Policy Professionals” хөтөлбөрийн магистр, докторын тэтгэлэгт CCOP-ын гишүүн орнуудаас хамруулахаар болжээ.
Тэтгэлгийн талаар мэдээллийг хүргэж байна.
Тэтгэлгийн зорилго:
- Эрчим хүчний салбар дахь хүний нөөцийг бэлтгэх, чадавхжуулах
- Олон улсын түвшинд судалгаа, шинжилгээний байгууллага хоорондын хамтын ажиллагааг хөгжүүлэх, нэгдсэн сүлжээг бий болгох.
Мэргэшсэн байдал:
БНСУ-аас бусад орны иргэншилтэй байх /үүнд нэр дэвшигчийн эцэг эх нь хамаарах бөгөөд БНСУ-ын иргэншилтэй тохиолдолд өргөдөл гаргах үед тухайн иргэншлээс татгалзсан байх/
Академик түвшин:
- Магистрын хөтөлбөрт суралцах хүсэлт гаргагч нь бакалаврын зэрэгтэй байх,
- Докторын хөтөлбөрт суралцах хүсэлт гаргагч нь магистр болон бакалаврын зэрэгтэй байх.
Тэтгэлэг:
- Сургалтын төлбөр 100% /Магистр-2 жил, доктор-3 жил/
- Нэг талын онгоцны зардал
- Сар бүр 1,800,000 вонын стипенд /татвар 8.8%/
- Гадаад иргэдийн даатгал, визний хураамж
- Солонгос хэл, соёлын хөтөлбөр
Цахим өргөдөл:
2023.09.01 (10:00 цаг) – 2023.10.06 (17:00) хооронд хүлээн авах
Өргөдөл гаргахаас өмнө цахим мэдэгдлийг шалгах
Шаардлагатай баримтууд:
- Өргөдлийн маягт
- Суралцах хүсэлт болон сургалцах хөтөлбөрийн төлөвлөгөө
- Шалгалт, ярилцлагад орохын тулд дараах 2 баримтыг илгээх https://oia.hanyang.ac.kr/
- Консулын газраас бичиг баримтын шалгалтад багагүй хугацаа шаардлагатай байдаг тул бусад баримт бичгээ бэлтгэж байхыг зөвлөж байна.
Хувийн мэдүүлэгтээ ССОР-ын аль гишүүн орноос хүсэлт гаргаж буйгаа тодотгоно уу.
Цахимаар өргөдөл хүлээн авах эцсийн хугацаа 2023.10.06-ны өдрийн 17:00 цаг тул цахим өргөдөл, өөрийн CV, суралцах хөтөлбөрийн төлөвлөгөөгөө ССОР-ын нарийн бичгийн дарга нарын газарт ccopts@ccop.or.th хаягаар давхар ирүүлнэ үү.
Жич: Энэхүү мэдээллийг ССОР-ын гишүүн орноос авсан болон тус орноос ирсэн гэдгээ тодорхой бичнэ үү.
Тус сургуулийн дэлгэрэнгүй танилцуулгыг ЭНД дарж уншиж, танилцана уу.
Эх сурвалж: Уул уурхай, хүнд үйлдвэрийн яам
