Баянзүрх дүүргийн нэгдүгээр хороо, долоон давхарын цонхоор хүн унах гэж байна гэсэн дуудлага мэдээлэл өчигдөр буюу долоодугаар сарын 25-ны 21:23 цагт Онцгой байдлын байгууллагад ирсэн байна.
Дуудлагын дагуу нийслэлийн аврах ангийн алба хаагчдыг очиход РЦНК-н зүүн талд байрлах байрны оршин суугч 35 настай Э гэх эмэгтэй долоон давхраас үсэрч болзошгүй байсныг 10 минут ярилцлага хийж, эсэн мэнд буулгажээ. Улмаар нийслэлийн Баянзүрх дүүргийн Цагдаагийн хоёрдугаар хэлтсийн мөрдөгчид хүлээлгэн өгсөн байна.
Х.Түшиг
