Нийслэлийн цэцэрлэгт хамрагдах хүсэлтийг 2023 оны наймдугаар сарын 1-ний өдрөөс авч эхэлсэн билээ. Бүртгэл энэ сарын 20-ны өдрийг дуустал үргэлжилнэ.
Гурав хоногийн хугацаанд 50137 хүүхэд “E-Mongolia” системээр дамжуулан бүртгэлээ хийлгэсэн байна.
Улаанбаатар хотод цэцэрлэгийн насны 142798 хүүхэд оршин сууж буй бөгөөд нийт хүүхдийн 30 гаруй хувь гурав хоногт бүртгэлээ баталгаажуулжээ.
Хүүхдээ цэцэрлэгт бүртгүүлэхэд анхаарах зүйлс:
- Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх,
- Таны хүүхэд өнгөрсөн жил цэцэрлэгт хамрагдсан бол тухайн цэцэрлэгтээ “Үргэлжлүүлж явах” эсэх сонголт хийх,
- Хэрвээ та шилжилт хөдөлгөөнийг энэ хугацаанд хийх бол хүсэлт хүлээн авах хугацаанд баталгаажуулсан байх ёстой.
Х.ТҮШИГ
