Хур бороо ихтэй үед хүмүүсийн зайлшгүй мэдэж байх ёстой зүйлсийн нэг бол өөрсдийгөө аянга, цахилгаанаас хамгаалах юм. Тиймээс аянга, цахилгаанаас хэрхэн сэргийлэх талаарх зөвлөмжийг хүргэж байна. Үүнд:
- Хэрэв та бороо шуургатай үед гадаа явж таарвал хамгийн эхэнд нөмөр газар олох нь хамгийн чухал.
- Хамгийн тохиромжтой нуугдах газар бол мэдээж барилга болон таны машин.
- Ямар ч нөхцөлд модны доор орж нуугдахаас зайлсхийгээрэй. Учир нь мод өөртөө цахилгаан татдаг.
- Аянга цахилгаантай үед хөлөө хооронд нь аль болох ойр байрлуулж газарт бие хүргэлгүйгээр толгойгоо аль болох доош (тонгойх) болгох хэрэгтэй.
- Ийм үед хэзээ ч газар хэвтэж болохгүй бөгөөд цахилгаан газарт буусны дараагаар эргэн тойронд нь цахилгаан гүйдэл тардаг байна.
- Хэрэв таны ойр орчимд аянга цахилгаан буувал таны биеэр цахилгаан гүйх аюултай юм.
- Цахилгаан хүний биеэр шууд дамжин өнгөрдөггүй ба хүний зүрх дотоод эрхтэнүүдийг гэмтээх аюултай. Иймд биеэрээ газарт бага хүрэлцэж, аль болох доош тонгойсноор цахилгаанд цохиулах эрсдэлээс сэргийлнэ.
- Хэрэв ямар нэгэн зүйлийн дотор нуугдаж байгаа бол аль болох металл эд зүйлсэд хүрэхгүй байх хэрэгтэй.
- Хэн нэгэн рүү ярих шаардлага гарвал утасгүй утас, эсвэл гар утсаа ашиглаарай. Шугамын утас цахилгаан дамжуулах эрсдэлтэй байдаг.
- Хэрэв таныг машинаар зорчих үед дуу цахилгаантай бороо орсон тохиолдолд машинаа замаас гаргаж зогсоон, хөдөлгүүрийг унтрааж, ямар нэг металл эд ангид хүрэхгүй, шуурга намжтал хүлээхийг зөвлөжээ.
Х.ТҮШИГ
