Хүчтэй салхи, усарахаг борооны нөлөөгөөр Архангай аймгийн Хашаат сумын нутаг дэвсгэрт Хархорин сумаас 40 орчим км-т 110кВ-ын Хархорин – А, Б цахилгаан дамжуулах агаарын шугамын 679-683 дугаар тулгуурууд унажээ. Тус гэмтлийг засварлахаар эхний ээлжийн бригадууд газар дээр нь ажиллаж эхэлсэн байна.
Архангай, Өвөрхангай, Баянхонгор аймгийн хэрэглэгчид ойрын 3-4 хоног цахилгаан эрчим хүчээр хангагдах боломжгүй болж байна гэж Архангай аймгийн Засаг даргын тамгын газраас мэдээллээ.
