“Улаанбаатар-2023″ Зүүн Азийн залуучуудын наадам Улаанбаатар хотноо гурав дахь өдрөө үргэлжилж байна.
Наадмын 3×3 сагсан бөмбөгийн эмэгтэйчүүдийн төрөлд Монгол Улсын шигшээ баг хүрэл медаль хүртлээ.
Манай шигшээ баг хүрэл медалийн төлөөх тоглолтоо Хонконгийн шигшээ багийн эсрэг хийж, 12:10 харьцаагаар хоёр оноогоор илүүрхэн ялалт байгууллаа.
Сануулахад, 3×3 сагсан бөмбөгийн эмэгтэйчүүдийн төрөлд БНХАУ, Хонгконг, Тайвань, Монгол гэсэн дөрвөн баг өрсөлдөж буй.
Х.ТҮШИГ