Газар хөдлөлтийн гамшигт нэрвэгдээд байгаа Турк улсад өчигдөр дахин газар хөдөлж, нэг хүн амиа алдаж, 69 хүн гэмтэж бэртсэн байна.
Малатья мужид бүртгэгдсэн газар хөдлөлтийн улмаас 29 барилга нуржээ. Таван орон сууцны барилгын нурангид эрэн, хайх ажиллагаа явагдаж байна. Ешильюрт хотын захирагч Мехмет Чинарын мэдээлснээр, дөрвөн давхар орон сууцны барилгын нуранги дор хүмүүс байгаа ба тэднийг аврах ажиллагаа явуулж байгаа аж. Өмнөх газар хөдлөлтийн улмаас 44 мянга гаруй хүн амиа алдаад байгаа юм.
