“Буян” компанийн захирал Б.Жаргалсайхан Монголын үндэсний худалдаа аж үйлдвэрийн танхим (МҮХАҮТ)-ын ерөнхийлөгчид нэр дэвшихээ илэрхийлсэн байна. Тус танхимын Их хурал энэ сарын 20-нд болно.
Ирэх Даваа гариг (2023.09.18)-т МҮХАҮТ-ын шинэ удирдлага, ерөнхийлөгчид нэр дэвшигчид хүсэлт, бичиг баримтаа өгч, 19-ний орой хуралд оролцох компаниуд мандатаа авч дуусаад, 20-ны өглөө нэр дэвшигчдийн нэрс тодорхой болох юм байна.
Мөн МҮХАҮТ-ын ерөнхийлөгчид өнөөдрийн байдлаар “Ард лайф” компанийн гүйцэтгэх захирал Б.Гантулга, “Алтан Дорнод Монгол” компанийн захирал Т.Ганболд нар дэвшихээ илэрхийлжээ.
Албан бус эх сурвалж МҮХАҮТ-ийн дарга Т.Дүүрэн, “Ард санхүүгийн нэгдэл” ХК-ийн Гүйцэтгэх захирал Ч.Ганхуяг, “MCS” группийн дэд ерөнхийлөгч Д.Энхтүвшин, “Шунхлай” группийн ерөнхийлөгч П.Батсайхан, “МАК” ХК-ийн ерөнхийлөгч Н.Цэлмүүн нар МҮХАТ-ийн Ерөнхийлөгчийн суудлын төлөө горилж байгаа талаар мэдээлсэн билээ. Мөн эдийн засагч Б.Лагшмигийн нэр ч дуулдаж буй юм.
Тус танхимын одоогийн ерөнхийлөгч О.Амартүвшин энэ жил нэр дэвшихгүй, цаашид өөрийн карьераа хөөнө гэсэн байр суурь илэрхийлсэн байна.
Э.ЭГШИГЛЭН
Хэрзийсэн хог чинь юу горьдож нэрээ дэвшүүлдэг байнаа,даанч сүүлийн үед МАН-ынхны бөгсийг долоогоод гүйгээд байсан юмаа. Ийм учиртай юм байж л дээ