Завхан аймгийн Улиастай суманд тарваган тахал өвчний сэжигтэй тохиолдол есдүгээр 19-ний өдөр бүртгэгджээ. Энэхүү сэжигтэй тохиолдлын сорьцод хийсэн нян судлал, PCR шинжилгээний дүн есдүгээр сарын 22-ны өдөр эерэг гарч, тарваган тахлын булчирхайн хэлбэрээр өвчилсөн болох нь батлагдлаа.
Иргэн та ч мөн дараах зааврын дагуу тарваган тахал өвчнөөс сэргийлээрэй.
- Тарвага агнахыг хориглох
- Тарваганы түүхий мах, дотор эрхтнийг хэрэглэхгүй, өвчихгүй байх
- Агнасан тарвага, түүний махыг хөлдөөж хадгалахгүй, тээвэрлэхгүй байх
- Тарвага, тулам худалдах, худалдаж авахгүй байх
- Бөөс, бүүрэгт хазуулахаас сэргийлж тарваганы нүх, дош руу ойртохгүй байх
- Тарваганы үхдэл, сэг зэм, хөдөлгөөн нь удааширсан тарвагатай таарвал гар хүрэлгүй орон нутгийн болон нийслэлийн Зоонозын өвчин судлалын төвд мэдээлэхийг зөвлөж байна.