АНУ-ын Ерөнхийлөгч Жо Байдены засаг захиргаа энэ долоо хоногт Украинд үзүүлэх тусламжийн шинэ багцаа зарлах юм байна. Энэ тухай “Politico” сонин Америкийн нэрээ нууцалсан албаны эх суралжийн мэдээллээс иш татан мэдээлжээ.
Тус хэвлэл мэдээлэлдээ тусламжийн багцыг яг хэзээ хуваарилах талаар дурдаагүй бөгөөд илүү дэлгэрэнгүй мэдээлэл оруулаагүй байна.
Цагаан ордны хэвлэлийн нарийн бичгийн дарга Карин Жан-Пьер аравдугаар сарын 2-нд болсон хэвлэлийн бага хурал дээр хэлэхдээ, АНУ Украинд цэргийн тусламжийн шинэ багцыг ‘удахгүй’ шилжүүлнэ” гэж мэдэгджээ.
Цагаан ордны хэвлэлийн төлөөлөгчийн хэлснээр, энэ нь ОХУ-д илгээж буй “мессэж” аж. Өөрөөр хэлбэл, тэрбээр ОХУ-ын Ерөнхийлөгчийн хэвлэлийн нарийн бичгийн дарга Дмитрий Песковын барууны орнууд Киевийг санхүүжүүлсний улмаас ядарч байгаа тухай мэдэгдэлд ийм хариу барьжээ.
Эх сурвалж: TASS
Э.ЭГШИГЛЭН
