“ХАНЖОУ 2023” 19 дэх удаагийн Азийн наадамд МУГТ Б.Чинзориг 63.5 кг жинд хүрэл медалийн болзол хангах тулаанд Казакстаны тамирчин Ертуган Зейнулиновийг 5:0 харьцаатай ялсан билээ. Ингэснээр Б.Чинзориг Монголын боксчдоос Азийн наадмын хос медальтай анхны тулаанч болж байна.
Тэрбээр олимпын эрхийн төлөөх хагас финалын өрсөлдөөнд өнөөдөр (2023.10.03) 20:45 цагаас Тайландын боксчин, өнгөрсөн оны тивийн аварга Бунжонг Синсиритэй тулалдана.
Хоёр тулаанчын ялсан нь Азийн наадмын мөнгөн медалийн болзол хангаад зогсохгүй “Парис 2024” олимпын эрх авах юм.