Өнөөдөр /2023.10.12/ болох зарим үйл явдлын талаар мэдээллийг хүргэж байна.
07.30-09.30 цагт:
ОБЕГ-т “Гамшгийн эрсдэлийг бууруулах олон улсын өдөр”-өөр ОБЕГ, НҮБ-ын Суурин зохицуулагчийн газар “Гамшигт тэсвэртэй ирээдүйн төлөө хамтдаа” уулзалт зохион байгуулна. Утас: 9902-6292.
10.00 цагт:
УИХ-ын нэгдсэн чуулган хуралдана.
10.00 цагт:
“Шангри-Ла” зочид буудалд “Mining week-2023” уул уурхайн долоо хоногийн чуулга уулзалт дөрөв дэх өдрөө зэсийн хэлэлцүүлгээр үргэлжилнэ. Утас: 9204-9000.
11.00 цагт:
МУИС-ийн номын санд Төрийн соёрхолт яруу найрагч Нямбуугийн Нямдоржийн мэндэлсний 89 жилийн ойн эрдэм шинжилгээний хурал, “Онон хатан ээжий” номын нээлт болно.
11:00 цагт:
Ардчилсан намын 4/11 мэдээллийн цагаар УИХ-ын дэд дарга С.Одонтуяа, Ардчилсан намын дэд дарга Ч.Өнөрбаяр, АН-ын Хэрэг Эрхлэх газрын дарга Н.Лхагвадорж, АН-ын дэргэдэх Хүний эрхийн хорооны дарга Д.Ганбаяр, НИТХ-ын төлөөлөгч Д.Энхтуяа нар хотын даргын томилгоо, төрийн нууц, хүний эрхийн зөрчлийн асуудлаар мэдээлэл хийнэ.
12.00 цагт:
“ЗМ” сонины мэдээллийн төвд Хөгжлийн бэрхшээлтэй хүүхдүүдийн боловсрол, сэргээн засах үйлчилгээ, нийгэмшүүлэх үйлчилгээг сайжруулах шаардлагын талаар эцэг, эхийн төлөөллөөс мэдээлэл хийнэ.
-“Мишээл Экспо” төвд нээгдсэн “Ulaanbaatar-Photo Week-2023” наадмын хүрээнд Үндэсний мэдээллийн МОНЦАМЭ агентлагийн нэрэмжит өдөр болно.
-НИТХ-ын хуралдаан болж нийслэлийн Засаг даргад Х.Нямбаатарын нэрийг дэвшүүлж буй талаар хэлэлцэнэ.
-Ази, Номхон далайн орнуудын зах зээлийн судалгааны байгууллагуудын XV чуулганыг зохион байгуулна.
-“Зайсан Хилл” цогцолборт “Дэлхийн сансрын 7 хоног” үргэлжилнэ.
-Өнөөдөр хараагаа хамгаалах олон улсын өдөр тохиож байна.