НӨАТ-ын 2023 оны гуравдугаар улирлын буцаан олголтыг өнгөрсөн долоо хоногт иргэдийн данс руу шилжүүлнэ гэсэн боловч шилжүүлээгүй билээ. Тиймээс буцаан олголт хэзээ хийгдэх талаар татварын байгууллагаас тодруулахад “Аравдугаар сарын 27-28-ны хооронд шилжүүлэхээр төлөвлөсөн” гэж мэдээллээ.
Сануулахад, Иргэд буцаан олголтын урамшууллаараа татвараа төлөх эрхтэй байдаг. Энэ дагуу татвар төлөх хүсэлтийг аравдугаар сарын 18-22-ны өдрүүдэд Татварын байгууллагаас авсан билээ. Энэ хугацаанд 34,104 иргэн 48,590 нэхэмжлэхээр 422 сая төгрөг төлсөн байна.
НӨАТ-ын буцаан олголтын мөнгөөр:
- Автотээврийн хэрэгслийн албан татвар
- Галт зэвсгийн албан татвар
- Үл хөдлөх хөрөнгийн албан татвар
- Газрын төлбөр
- Газрын үл хөдлөх эд хөрөнгийн албан татвар
- Малын тоо, толгойн албан татвар
- Авто зам, замын байгууламжийн албан татвараа төлөх боломжтой байдаг юм.
Х.ТҮШИГ
