Өчигдөр буюу арваннэгдүгээр сарын 10-ны үдээс хойш МУБИС-ийн автобусны буудал дээр хоёр давхар автобус шатсан. Энэ талаар Хотын дарга Х.Нямбаатар хэвлэлд мэдээлэл өгчээ.
Тэрбээр “Ногоон автобус шатсан талаар мэдээллийг сонсоод Нийслэлийн цагдаагийн газар болон Нийслэлийн нийтийн тээврийн газрын удирдлагуудтай уулзаж, мэдээлэл авлаа. 2020 оны гуравдугаар сард нийтийн тээврийн парк шинэчлэл хийх Нийслэлийн Засаг даргын захирамж гарсан. Улмаар НИТХ-ын тогтоол гарч, Хөгжлийн банкнаас 21 тэрбум төгрөгийн зээл аваад шууд гэрээгээр 10 ширхэг эко автобус худалдаж авсан байна. Энэ автобусууд хоёр жил гаруй хугацаанд нийтийн тээвэрт явж байгаа. Харамсалтай нь, өчигдөр үйлчилгээнд явж байхдаа шатлаа. Азаар хүний амь нас эрсэдсэнгүй.
Бид Нийслэлийн онцгой байдлын газрын шинжээчдийн дүгнэлтийг хүлээж байна. Механик гэмтэл байсан уу, эсхүл үйлдвэрлэгчийн алдаа байсан уу гэдгийг нь харна. Үйлдвэрлэгчид долоон жилийн баталгаа гаргасан юм билээ.
Цаашид бид нийтийн тээвэртэй холбоотой бүх мэдээллийг ил тод болгох шаардлагатай байгаа гэдэг нь өдөр тутам ажиглагдаж байна” хэмээн хэллээ.
Х.ТҮШИГ
НЯМБААТАР НОВШ ЧИНЬ ИХ БӨГС УХАХ НЬ ЭЭ !