Голын голдирол өөрчлөн барьсан “Шунхлай” шатахуун түгээх станцыг нүүлгэн шилжүүлж дуусжээ.
Энэ талаар Нийслэлийн засаг даргын эдийн засаг, дэд бүтцийн асуудал хариуцсан нэгдүгээр орлогч П.Сайнзориг мэдээлэл өглөө.
Тэрбээр “Шунхлай” шатахуун түгээх станцыг нүүлгэн шилжүүлж дууслаа. Албадаж нүүлгээгүй, харилцан тохиролцож ойлголцсны үндсэн дээр нүүлгэн шилжүүлэх ажлыг гүйцэтгэсэн гэдгийг онцолж хэлэх нь зүйтэй байх. Чөлөөлсөн газрыг нийтийн эдэлбэр газар болгон тохижуулна” гэв.
