УИХ-ын гишүүн асан Т.Аюурсайхан, “Эрдэнэс Тавантолгой” ХК-ийн Гүйцэтгэх захирал асан Б.Ганхуяг нарын 11 хүнд холбогдох хэргийн шүүх хурал Чингэлтэй дүүргийн Эрүүгийн хэргийн анхан шатны шүүхэд боллоо.
Шүүх хуралдааныг энэ сарын 27-ныг хүртэл хойшлууллаа.
Энэ талаар шүүгч “Өмгөөлөгч нарын хүсэлтийг хүлээн авч, шүүх хуралдааныг хойшлуулж байна. Дараагийн шүүх хурал хүртэл шүүгдэгч нарт авсан таслан сэргийлэх арга хэмжээг хэвээр үлдээлээ.
Өчигдөр 15:00 цагийн үед ХЗДХ-ийн сайд Б.Энхбаяраас Б.Ганхуягийг нүүрсний сонсголд гэрчээр оролцуулах боломжоор хангаж өгөөч гэсэн албан бичиг ирсэн. Шүүх үүнийг шийдвэрлэх боломжгүй талаар хариугаа өгсөн. Гэрчээр оролцуулах эсэх асуудлыг шүүх шийдвэрлэхгүй. Энэ бол шүүгчид олгоогүй эрх хэмжээ. Тиймээс энэ асуудлыг зохих байгууллагад нь хандаад шийдвэрлүүлэх боломжтой” хэмээн хэллээ.
Х.ТҮШИГ
