Ерөнхий боловсролын сурагчид хичээлийн завсарлагаанаар ариун цэврийн өрөө орж амждаг эсэх талаар Боловсрол, шинжлэх ухааны сайд Л.Энх-Амгалан цахим хуудаснаа хөнджээ.
Тэрбээр “ЕБС-ийн сурагчид завсарлагаанаар гуанз битгий хэл 00 орж амждаггүй. Шингэн юм уухгүй, өтгөн шингэнээ маш удаан тэвчинэ. Ийм байхад эрүүл мэнд, ирээдүй гэж яриад ч яахав. Энэ чинь хүчирхийлэл биш юм уу…” Ийм жиргээ олж уншлаа. Энэ бодит байдалд хэр үнэн, үндэслэлтэй вэ? Хэрэв үнэн бол даруйхан өөрчлөх ёстой асуудал мөн байна. Сайд ийм ч юм мэдэхгүй байх гэж дээ гэж шүүмжилбэл шүүмжлэг, загнавал ч загнаг. Хүүхдэд ээлтэй орчин л чухал…” гэсэн байна.
