Засгийн газрын ээлжит хуралдаан өнөөдөр (2024.01.04) боллоо.
Хуралдаанаар Төрийн байгууллагуудын эрхлэх асуудал, үзүүлэх үйлчилгээ, үйл ажиллагааны хамрах хүрээг харгалзан бүсчлэн үе шаттайгаар нийслэл Улаанбаатар хотоос нүүлгэн байршуулах талаар авах арга хэмжээний тухай УИХ-ын тогтоолын төслийг хэлэлцлээ. Улмаар Засгийн газрын гишүүд дэмжиж, уг тогтоолын төслийг УИХ-д өргөн мэдүүлэхээр тогтлоо.
Энэ нь Монгол Улсын Бүсчилсэн хөгжлийн үзэл баримтлалын хүрээнд орон нутгийг бүсчлэн хөгжүүлж хот, хөдөөгийн хөгжлийн ялгаа, аймаг, бүс нутаг хоорондын тэгш бус, тэнцвэргүй байдлыг багасган хөгжлийн түвшинг ойртуулж бүсүүдийн хөгжлийн түвшинг эрэмбэ дараатай дээшлүүлэх зорилготой ажээ.
Х.ТҮШИГ
