БНХАУ Тайваньд хэзээ ч буулт хийхгүй бөгөөд АНУ-аас “нэг Хятад” зарчмыг баримталж, арлыг зэвсэглэхээ зогсоохыг шаарджээ. Хятадын тал Вашингтонд нэгдүгээр сарын 8, 9-нд болсон хоёр улсын Батлан хамгаалах яамны Ажлын хэсгийн 17 дахь удаагийн уулзалтын үеэр холбогдох мэдэгдлийг хийсэн байна.
Хятадын Батлан хамгаалах яамны WeChat хуудаст Лхагва гарагт нийтлэгдсэн мэдээлэлд Хятадын тал Тайванийн асуудлаар хэзээ ч буулт хийхгүйгээ онцлоод, “Нэг Хятад” зарчмыг баримталж, холбогдох үүргээ ухамсартайгаар биелүүлж, Тайванийг зэвсэглэхээ зогсоож, АНУ-аас арлын “тусгаар тогтнол”-ыг эсэргүүцэхийг шаардаж байна гэжээ.
Бээжин мөн Вашингтонд хандан “Цэргийн оролцоогоо багасгаж, Өмнөд Хятадын тэнгист өдөөн хатгасан үйлдлээ зогсоож, бүс нутгийн улс орнуудын өдөөн хатгалгыг дэмжихээ зогсоохыг” уриалсан байна.
Вашингтон Тайпэйтэй цэрэг-техникийн хамтын ажиллагаа явуулж байгаа нь Бээжингийн санааг зовоож буй аж. АНУ “Нэг Хятад” бодлогыг хүлээн зөвшөөрсөн ч Тайбэйгийн засаг захиргаатай харилцаа холбоогоо үргэлжлүүлж, арлыг зэвсгээр хангасаар байгаа билээ.
Эх сурвалж: TASS
Д.ТУЯА
