Тайландын Давж заалдах шатны шүүх өнгөрсөн Пүрэв гарагт хаант засаглалыг доромжилсон залууд өмнө нь оноосон хорих ялыг 50 жил болгон нэмэгдүүлсэн байна. Хууль ёсны эрхийн бүлэг “Энэ нь тус улсын хамгийн харгис “lese majeste” хуулийн дагуу урьд өмнө ногдуулж байгаагүй хамгийн хатуу шийтгэл боллоо гэж үзэж байна” хэмээн мэдэгджээ.
Хойд Чианг Рай мужийн хувцасны цахим худалдаа эрхлэгч, улс төрийн идэвхтэн, 30 настай Монгкол Тирахотыг 2023 онд олон нийтийн сүлжээгээр хаанд хор хөнөөл учруулсан гэж үзэн, 28 жилийн хорих ялаар шийтгэн байна.
Тайландын Хүний эрхийн хуульчид (TLHR) Пүрэв гарагт “Чианг Рай мужийн давж заалдах шатны шүүх Монгколыг улсын хааныг доромжилсон хэмээн, 10 орчим хэрэгт гэм буруутайг нь тогтоон, түүнд оноосон ялын хэмжээг 22 жилээр нэмсэн” гэж мэдэгджээ.
Тайланд дэлхийн хамгийн чанга хуультай улс бөгөөд хаан, хатан, эсвэл өв залгамжлагчийг илэрхий шүүмжлэх нь гэмт хэрэг тул тус бүрд нь дээд тал нь 15 жилийн хорих ял оногдуулдаг. Тэр ч бүү хэл хааны гэр бүлийн тухай ярих хүртэл “хорио”-той байдаг байна.
Тайландын Эрүүгийн хуулийн 112-р зүйл буюу “lese majeste” хуулийн дагуу ажил хаясан хүмүүст олон жилийн ял оногдуулдгаас болж сүүлийн жилүүдэд олон зуун хүн яллагдагчаар татагджээ.
“Бусбас” гэгддэг Монгколыг 2021 оны дөрөвдүгээр сард тухайн жилийн 3, 4 дүгээр сард фэйсбүүк нийгмийн сүлжээнд 27 пост оруулсны улмаас баривчилжээ. Тайландын Эрүүгийн хэргийн шүүх түүнийг хууль зөрчсөн, гэм буруутайд тооцож, 2023 оны нэгдүгээр сард 28 жилийн хорих ялаар шийтгэсэн байна.
Эх сурвалж: CNN
Д.ТУЯА
