-DOBU.MN МЭДЭЭЛЛИЙН САЙТ ӨНГӨРЧ БУЙ ДОЛОО ХОНОГ (01.15-01.19)-ИЙН ОНЦЛОХ ЯРИЛЦЛАГУУДАА ТОЙМЛОН ХҮРГЭЖ БАЙНА-
Б.Пүрэвдорж: Нөгөө үзүүрт нь МАН-ын сонгуулийн санал авах адын хүсэл уяатай яваа
-“Эрдэнэс Монгол” компанийн захирал С.Наранцогт 580 мянган төгрөг олгох боломжгүй, харин 233 мянган төгрөг олгох боломжтой. Хэрэв таны хүсээд байгаа хэмжээгээр олговол “Эрдэнэс Тавантолгой” компани цаашлаад “Эрдэнэс Монгол” дампуурна гэж ярьсан шүү дээ?
-“Эрдэнэс Тавантолгой” компани 11 оффтейк гэрээнд зориулж 20 гаруй их наяд төгрөгийн зардал гаргасан. Эрх баригч намын томоохон албан тушаалтнууд уг мөнгөнөөс идэцгээсэн. Тухайлбал, төмөр замыг нэг дахин илүү өртгөөр тавьсан байх жишээтэй. Дэлхийн зах зээл дээр нүүрсний үнэ 450 ам.долларт хүрчихээд байхад уурхайн амнаас 60 ам.доллараар зарж, төмөр зам бариулсан. Тэр төмөр зам нь мухар.
Эрх баригчид идэж уух болохоороо “Эрдэнэс Тавантолгой”-г халбагадаж дуусгачихаад, ард түмэндээ өгөх болохоор 580 мянган төгрөг өгөх боломжгүй, 233 мянган төгрөг өгнө гээд байгаа. Ийм л хүмүүсээр бид төр бариулж байна.
Үргэлжэлийг ЭНД дарж уншина уу.
Д.Цэрэнням: Түрүүлээд, шагналын мөнгөөрөө охиддоо зайрмаг, хүүдээ сүүг нь аваад харихад гоё мэдрэмж төрсөн
-Өөрийнхөө хүч хөдөлмөр, хичээл зүтгэлээр авсан шагналын мөнгө хэн бүхэнд сайхан шүү дээ. Таныг ихэр охидтой гэж дуулсан. Шагналынхаа мөнгөөр охидоо баярлуулахаар яарч, догдолж гэртээ харьсан болов уу?
-Өглөө гэрээс гарахад манай охин “Аав явах гэж байгаа юм уу” гэхээр нь “Аав нь барилдахаар явлаа” гэхэд “Амжилт, хайртай шүү” гээд намайг үнссэн. Тэгээд “Аав, та зайрмаг авч ирэх үү” гэхээр нь “Тэгнэ, тэгнэ. Аав нь түрүүлчихээд, зайрмаг аваад ирнэ” гээд ам гарчихсан. Өөртөө итгэлтэй байх хэрэгтэй юм билээ.
Тэмцээн дуусаад, шагналынхаа мөнгөөр гэртээ хэрэгтэй зүйлс, охиддоо зайрмаг, хүүдээ сүүг нь аваад харихад үнэхээр гоё мэдрэмж төрсөн. Хэлсэндээ хүрчихсэн болохоор ч тэр үү, нулимс цийлэгнээд байсан.
Үргэлжэлийг ЭНД дарж уншина уу.
Ч.Хүрэлбаатар: Танкны үлгэрээсээ салж, гадаадын хөрөнгө оруулалтыг татах цаг болсон
-Гаднын хөрөнгө оруулалтгүйгээр Монгол Улс хөгжих ёстой. Бүх баялагтаа монголчууд эзэн болох хэрэгтэй гээд байгаа харагдсан…
-Зарим хүн Монголыг монголчууд хөгжүүлэх ёстой гэдэг. Үүнтэй санал нэг байна. Гаднын хөрөнгө оруулалтгүйгээр Монгол Улс хөгжинө. Гэхдээ нэг жилд хийх зүйлээ бид 10 жил хийнэ л гэсэн үг. Хойд Солонгос, Кубыг хар. Гаднын хөрөнгө оруулалт бүү хэл гадаад харилцаа гэдэг зүйл байхгүй болчихсон байлаа шүү дээ. Монгол Улсыг тийм болоосой гэж хүсэхгүй байна. Монголчууд гадаад орноор явж, бусад орны хөгжлийг өөрийн оронтойгоо харьцуулж хардаг, санаа оноогоо хэлдэг болчихсон.
Бидний байнгын муу хэлдэг БНХАУ-ыг хар. Тesla, Apple орчихсон үйл ажиллагаа явуулж байна. Тэнд зах зээл нь байна, харилцан ойлголцож чадаж байна. Монгол гаднын хөрөнгө оруулалтгүй өөрсдөө хөгжинө гэвэл хэн Монголыг “тоох” юм бэ. Мөнгөө бариад, хөрөнгө оруулъя гээд биднийг гуйж, үүд сахиад суудаг хөрөнгө оруулагч гэж байхгүй.
Хоёр хөрш маань биднээс хөгжлийн хувьд хол илүү болсон. Монгол Улс, ОХУ-тай визгүй. Тэглээ оросууд Монголд чихэж, амьдраад байгаа юм алга.
Үргэлжэлийг ЭНД дарж уншина уу.
ОУХМ Э.Даваахүү: Би шантарч байгаагүй, шантрах тухай бодох зав ч алга