Оросын Гадаад хэргийн яамны хэвлэлийн төлөөлөгч Мария Захарова өчигдөр мэдээлэл хийхдээ “Орос улс Хар тэнгисийн ХАА-н бүтээгдэхүүний экспортын хэлэлцээрийг 60 хоногоор сунгахыг зөвшөөрсөн” гэж мэдэгдэв.
ОХУ-ын Гадаад хэргийн дэд сайд Александр Глушко “Энэ хэлэлцээрийг сунгах нөхцөл бол гэрээнд оролцогч талууд Оросын өмнө хүлээсэн үүргээ бүрэн биелүүлэх явдал. Оросын ХАА-н бүтээгдэхүүнийг олон улсын зах зээлд нийлүүлэхэд тавьсан бүх хязгаарлалтыг цуцлахыг бид хүсч байна.” гэжээ.
