Өвөрхангай аймгийн нийт нутгаар өнөөдөр (2024.02.22) цасан шуурга шуурна. Тодруулбал, Хужирт, Бат-Өлзий, Зүүнбаян-Улаан, Есөнзүйл, Өлзийт, Бүрд, Тарагт сумын нутгаар цаг агаарын байдал аюулт үзэгдлийн хэмжээнд хүрч, салхины хурд 12-16 м/c, зарим үед 20-24 м/с хүртэл ширүүсэх аж.
Нутгийн өмнөд хэсгээр буюу Баруунбаян-Улаан, Төгрөг, Гучин-Ус, Богд сумын нутгаар цасан болон шороон шуурга шуурах тул онц шаардлагагүй тохиолдолд хол замд гарахгүй байхыг Онцгой байдлын газраас анхаарууллаа.
А.БАЯР