Сүхбаатар дүүргийн эрүүгийн хэргийн анхан шатны шүүхэд өнөөдөр (2024.02.29) Ерөнхийлөгчийн Тамгын Газрын дарга асан З.Энхболд, УИХ-ын гишүүн Б.Энх-Амгалан нарт холбогдох эрүүгийн хэргийн шүүх хуралдаан боллоо.
Шүүгдэгч З.Энхболд өвчтэй учраас шүүх бүрэлдэхүүн шүүх хуралдааныг гуравдугаар сарын 7-ны 13:30 цаг хүртэл хойшлуулах шийдвэр гаргасан байна.
З.Энхболд, Б.Энх-Амгалан нарт холбогдох хэргийн шүүх хурал өмнө нь гэрч ирээгүй, шүүгдэгч Б.Энх-Амгалан шинээр өмгөөлөгч авч, хэргийн материалтайгаа танилцах хүсэлт гаргасан зэрэг шалтгаанаар нийт таван удаа хойшлоод буй юм.
ШҮҮХ ХУРАЛДААНЫ БҮРЭЛДЭХҮҮН:
Шүүгч, шүүх бүрэлдэхүүн: | З.Болдбаатар Б.Дуламсүрэн А.Мөнхсайхан |
Улсын яллагч: | Б.Энх-Эрдэнэ |
Улсын яллагч: | Ч.Батзориг |
Шүүгдэгч: | З.Энхболд |
Шүүгдэгч: | Б.Энх-Амгалан |
Шүүгдэгчийн өмгөөлөгч: | Б.Баатарсайхан |
Шүүгдэгчийн өмгөөлөгч: | Д.Батсүх |
Шүүгдэгчийн өмгөөлөгч: | Ө.Цэрэндэжид |
Гэрч: | С.Батболд |
Гэрч: | Г.Энх-Амгалан |
Гэрч: | Д.Доржханд |
Гэрч: | С.Баярмаа |
Гэрч: | Ц.Эрдэнэ-Очир |
Сануулахад, УИХ-ын гишүүн, Аюулгүй байдал гадаад бодлогын байнгын хорооны дарга Б.Энх-Амгалан 2019-2020 онд Зам, тээврийн хөгжлийн сайдаар ажиллаж байхдаа Ерөнхийлөгчийн Тамгын газрын дарга З.Энхболдтой холбоотой гэх “Страто” ХХК-д давуу байдал бий болгосон гэх хэрэгт буруутган, яллагдагчаар татсан.
З.Энхболдыг төрийн өндөр дээд албан тушаал хашиж байхдаа эрх мэдлээ ашиглан, тухайн үеийн Зам, тээврийн хөгжлийн сайд Б.Энх-Амгаланд нөлөөлж, бусдад давуу байдал олгуулсан гэх хэрэгт яллагдагчаар татагдсан юм.