NCD группийн “Гарден сити” хотхоны орон сууцны таазны будаг, замаск хуурч унажээ. Энэ нь анх удаа тохиолдож буй хэрэг биш бөгөөд өмнө ч тохиолдож байсан тухай оршин суугчид цахим орчинд бичжээ. Уг тааз нурж унасан айлд бага насны хүүхэд унтаж байсан бөгөөд “хэдхэн секунд хожимдсон бол 10 кг орчим нурангид дарагдах байлаа” хэмээн бичсэн байна. Мөн тус айлын зарим эд хогшил эвдэрч хэмхэрчээ.
