МАН-ын Удирдах зөвлөл 2024 оны УИХ-ын сонгуульд нэр дэвших хүсэлтэй горилогчдын өргөдлийг албан ёсоор хүлээн авч эхэлсэн. Үүнтэй холбоотойгоор ирэх сонгуульд МАН-аас нэр дэвших хүмүүсийн нэр тодорсоор байна.
Тэдний нэг нь УУХҮ-ийн дэд сайд асан О.Батнайрамдал болов. Тэрбээр сонгуульд нэр дэвших хүсэлтээ МАН-ын Удирдах зөвлөлд өгсөн талаараа цахим хуудсаараа дамжуулан мэдэгдлээ.
Тэрбээр “Монгол Улсын иргэнийхээ хувьд Отгоншарын Батнайрамдал миний бие Үндсэн хуулиар олгогдсон бүрэн эрхийнхээ хүрээнд 2024 оны УИХ-ын ээлжит сонгуульд нэр дэвших хүсэлтээ хууль, журмын дагуу намынхаа Удирдах зөвлөлд албан ёсоор өглөө. Монгол Улсын хөгжлийн төлөө хамтдаа урагшаа” хэмээсэн байна.
Х.ТҮШИГ
