Засгийн газрын 2024 оны дөрөвдүгээр сарын 03-ны өдрийн хуралдаанаар Хууль зүй, дотоод хэргийн яамны Төрийн нарийн бичгийн даргаар хуульч Н.Мягмарыг томиллоо.
Тэрбээр МУИС-ийн Хууль зүйн сургууль, Америкийн их сургуулийн Вашингтоны хууль зүйн коллежийг төгссөн. Эрх зүйч мэргэжилтэй. Хууль зүйн ухааны магистр зэрэгтэй. Н.Мягмар нь,
- 1999-2006 онд МУИС-ийн Хууль зүйн сургуулийн Төр, захиргааны эрх зүйн тэнхимд багш,
- 2006-2009 онд ХЗДХЯ-ны ахлах мэргэжилтэн, газрын дарга,
- 2009-2010 онд Хууль зүйн үндэсний хүрээлэнгийн захирал,
- 2010-2012 онд “Монголын хөлөг онгоцны бүртгэл” ХХК-ийн Захиргааны менежер,
- 2012-2014 онд ХЗДХЯ-ны Төрийн захиргаа, удирдлагын газрын дарга,
- 2014-2016 онд Монгол Улсаас АНУ-ын Сан Франциско хотод суугаа Ерөнхий консулын газарт консул,
- 2017-2018 онд Азийн хөгжлийн банкны төслийн Төсөл хэрэгжүүлэх нэгжийн менежер,
- 2018-2023 онд ЗГХЭГ-ын Хууль, эрх зүйн газрын дарга,
- 2023 оноос УИХ-ын Тамгын газрын Хууль, эрх зүйн газрын даргаар ажиллаж байсан.
Н.Мягмар нь улсад 24 жил үүнээс төрийн захиргааны албанд 16 жил ажилласан туршлагатай.
Х.ТҮШИГ
