Чөлөөт бөхийн барилдааны олимпын эрх олгох Ази тивийн тэмцээн Киргизстаны нийслэл Бишкек хотноо үргэлжилж байна.
Манай тамирчдаас П.Орхон Узбекистаны Г.Айтмуратоваг 13:2-оор ялснаар БНСУ-ын бөхтэй олимпын эрхийн төлөө өнөө оройн 20:00 цагт барилдахаар болж байна.
Эмэгтэй тамирчдын тухайд өнгөрсөн жил зохион байгуулагдсан Дэлхийн аварга шалгаруулах тэмцээнээс 50 кг-д Д.Отгонжаргал, 68 кг-д Э.Дэлгэрмаа нар тус тус мөнгөн медаль хүртэж, олимпын эрхээ баталгаажуулсан тул энэ удаагийн тэмцээнд үлдсэн дөрвөн жинд эрхийн төлөө өрсөлдөж байгаа юм.
Х.ТҮШИГ
