2022 онд 16 настай Ника Шакарами Тегеранд болсон Засгийн газрын эсрэг жагсаалд оролцоод сураггүй алга болж, түүний цогцсыг ес хоногийн дараа олсон. Мөрдөлгийн дараа тус улсын эрх баригчид түүнийг амиа хорлосон гэж мэдэгдэж байжээ. Гэвч “BBC Eye”-ийн мөрдөн шалгах, эрэн сурвалжлах хэлтсийнхэн Никаг Ираны тагнуулын гурван ажилтан хүчирхийлж, хөнөөн, амьгүй цогцсыг хотын гудамжны нэг хэсэгт хаясан болохыг тогтоожээ. Энэ мэдээллийг Ираны тагнуулынханы явуулсан мөрдлөгийн дүнгийн тухай нууц тайлангийн баримт бичгийн ачаар олж авсан байна.
Энэ тайланд тус улсын Исламын байгууллагуудыг хамгаалдаг аюулгүй байдлын алба болох Исламын хувьсгалт гвардийн корпус (IRGC)-ийн явуулсан Ника Шакарамигийн үхлийн талаарх мөрдлөгийн тухай нууц хураангуй мэдээлэл багтсан байжээ. Энэхүү тайланд үнэнийг нуун дарагдуулахыг оролдсон түүний алуурчид болон ахлах тушаалын офицеруудыг нэрлэж, охиныг баривчлагдсаны дараа Ираны хамгаалалтын албаныхан өөрсдийн фургон машинд хүчирхийлсэн тухай аймшигт мэдээллийг бичсэн байжээ.
Ника Шакарами алга болж, нас барсан нь олон нийтийн анхаарлыг татаж, түүний гэрэл зураг Ираны эмэгтэйчүүдийн эрх чөлөөний төлөөх тэмцэлийн нэгэн бэлэг тэмдэг болжээ. BBC агентлаг Ираны Засгийн газар болон түүний харъяа Хувьсгалт гвардын албанд тайлбар авахаар хандсан ч хариу ирүүлээгүй юм байна.
Г.АМАРСАНАА
