Баянзүрх дүүргийн 19 дүгээр хороо Агуулахад гал гарч байна гэсэн дуудлага тавдугаар сарын 03-ны өдрийн 15:41 цагт Онцгой байдлын байгууллагад ирсэн байна.
Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчдыг очиход 20 тоннын хоёр давхарласан чингэлгийн 2 дугаар давхарт барилгын бараа, материал бүрэн шатаж байсныг унтраажээ.
Гал түймрийн улмаас нэг иргэний нүүр, нуруу түлэгдсэн байсныг эмнэлгийн байгууллагад хүлээлгэн өгсөн байна.
Х.ТҮШИГ