Өнөөдөр (2024.05.06) болох зарим үйл явдлын талаар мэдээллийг хүргэж байна.
09.30 ЦАГТ:
“Монгол Угсаатан, хэл хуурчдын холбоо” санаачлан Соёлын яам, Соёлын Өвийн Үндэсний төв хамтран “Монголын хэл хуур тоглооч, өвлөн уламжлагч, хэл хуур урлаач болон судлаачдын анхдугаар чуулга, уулзалт”-ыг СТӨ-нд зохион байгуулна. Утас: 8811-8871.
11.00 ЦАГТ:
Эдийн засгийн бодлого, өрсөлдөх чадварын судалгааны төвөөс “Аймгуудын өрсөлдөх чадварын тайлан-2023”-ыг “Монгол ньюс” мэдээллийн төвд танилцуулна.
11.30 ЦАГТ:
Нийслэлийн газрын албанд ажиллаж байсан Э.Б, Ц.А нарын 11 холбогдогчтой эрүүгийн хэргийн талаар “Хохирогчдын холбоо”-ны тэргүүн болон хохирсон иргэд “Монгол ньюс” мэдээллийн төвд мэдээлэл хийнэ.
12.00 ЦАГТ:
Хуульч, өмгөөлөгч Х.Бат-Ялалтын үйл хэргийг дэмжигчдийн “Ачийг ачаар” нийтэд үйлчлэх ТББ-аас “Монгол ньюс” мэдээллийн төвд хэвлэлийн бага хурал зарлалаа.
12.30 ЦАГТ:
СЕХ улс төрийн намуудыг бүртгэхдээ хууль зөрчсөн талаар Эрх чөлөөг хэрэгжүүлэгч намаас “Монгол ньюс” мэдээллийн төвд мэдээлнэ.
13.00 ЦАГТ:
Булган, Өмнөговь аймгийн удирдлагууд уул уурхайн компаниудад давуу байдал олгож, малчид, иргэдийн эрх ашгийг хөндөж буй талаар нутгийн иргэдийн төлөөлөл “Монгол ньюс” мэдээллийн төвд мэдээлнэ.
-Д.Сүхбаатарын талбайд “Монгол гэр” үзэсгэлэн үргэлжилж байна.