Ардчилсан намын дарга асан С.Эрдэнэ цахим хуудастаа Л.Гантөмөрт хандан “АН-ын эрхийг хууль шүүхийн байгууллагын хүчирхийллээр булаан авч АН-ыг улстөрийн наймаанд худалдсан ЖАН-Гантөмөр одоо бүр давраад нүүрсний хулгайч Ажнай Бат-Эрдэнэд АН-аа үнэт зүйл үзэл санаатай нь мөнгөөр зарчихаж байгаа юм биз дээ? АН-ыг мөнгөөр хэмжиж болдоггүй юм Гантөмөрөө!” хэмээн бичжээ.
Сануулахад, УИХ-ын гишүүн Т.Аюурсайхан, Н.Наранбаатар, Д.Бат-Эрдэнэ нарын бүрэн эрхийг түдгэлзүүлэх эсэхийг энэ долоо хоногт шийднэ.
Өчигдрийн УИХ дахь АН-ын бүлгийн хурлын шийдвэрийг танилцуулах үеэр намын гишүүд сөрөг хүчнийхээ гишүүнийг өгч явуулахгүй байх талд Ардчилсан нам нэгдмэл байр суурьтай байх болно хэмээн байр сууриа илэрхийлсэн билээ.
