НЭМЭЛТ: 00.10 ЦАГ
МАН-ын Бага хурлаас УИХ-д нэр дэвшигчдийн нэрсийг эцэслэжээ. Тус намын жагсаалтад бичигдсэн эхний 30 хүний нэрсийг зарлалаа. Үүнд:
-
- Г.Лувсанжамц (Японд хот төлөвлөлтийн чиглэлээр доктор хамгаалсан)
- М.Энхцэцэг (Австралид Эрчим хүчний системээр доктор хамгаалсан)
- Ч.Анар (“Ондо” компани)
- О.Саранчулуун (“Ахиллис монгол” ТББ-ын үүсгэн байгуулагч)
- Д.Рэгдэл (ШУА-ын Ерөнхийлөгч асан)
- Д.Ганмаа (Харвардад багшилдаг)
- Үйдвэрчний эвлэлийн квот
- М.Мандхай (СДМЭХ-ны Ерөнхий нарийн бичгийн дарга)
- Д.Энхтүвшин (Шарк, МҮХАҮТ-ын Ерөнхийлөгч асан)
- Б.Уянга (УУХҮ-ийн дэд сайд)
- Ж.Галбадрах (Шинэ Монгол эрдмийн зөвлөлийн ерөнхийлөгч)
- А.Ариунзаяа (МАН-ын нарийн бичгийн дарга)
- Б.Баярбаатар (МАН-ын хяналтын хорооны дарга)
- Б.Хэрлэн (Улс төр судлаач)
- Д.Бум-Очир (Ерөнхийлөгчийн зөвлөх)
- О.Номинчимэг (Нийслэлийн Засаг даргын орлогч)
- С.Зулпхар (ХНХ-ын дэд сайд)
- Г.Ганбаяр (БШУ-ы дэд сайд асан)
- С.Мөнгөнчимэг (Сангийн дэд сайд)
- Б.Солонгоо (ХЗДХ-ийн дэд сайд)
- Ч.Лодойравсал (Ерөнхийлөгчийн дэргэдэх Хэлний бодлогын зөвлөлийн дарга)
- Г.Дөлгөөн (Монгол банкны дэд ерөнхийлөгч)
- А.Адилбиш (СДМЭХ-ны дэд ерөнхийлөгч)
- С.Далхаасүрэн (МАН-ын бүлгийн ажлын албаны дарга)
- У.Болортуяа (Ерөнхий сайдын хэвлэлийн төлөөлөгч, сэтгүүлч)
- Г.Баярхүү (МАН-ын хэвлэл мэдээллийн газрын дарга)
- Д.Бумдарь (Улс төр судлаач, МУИС-ийн багш)
- Алтанхуяг
- Ц.Цолмон (“Эрдэнэс Монгол” ХХК-ийн дэд захирал)
- Т.Сайнжаргал (МТЗ ТӨХК-ийн төслийн удирдагч) нар багтжээ.
МАН: Нэр дэвшигчдийн жагсаалтад Д.Энхтүвшин, Ч.Анар, Б.Солонгоо,
Б.Уянга нар багтжээ
НЭМЭЛТ: 23:42 ЦАГ
МАН-ын Бага хурал үргэлжилж байна. Тус намын гишүүд нэр дэвшигчдийн жагсаалтад МҮХАҮТ-ын ерөнхийлөгч Д.Энхтүвшин, “Ондо” компанийн үүсгэн байгуулагч Ч.Анар, хот төлөвлөлтийн инженер Г.Лувсанжамц, УУХҮ-ийн дэд сайд Б.Уянга, ХЗДХ-ийн дэд сайд Б.Солонгоо, Нийслэлийн Засаг даргын орлогч О.Номинчимэг нар багтсан байна.
МАН-ын нэр дэвшигчдийн жагсаалтыг хот төлөвлөлтийн инженер тэргүүлэх үү
МАН-ын Бага хурал Тусгаар тогтнолын ордонд үргэлжилж байна. Тус хурлаар эрх баригч нам УИХ-ын сонгуульд хэн хэнийг нэр дэвшүүлэх асуудлыг нухацтай хэлэлцэж буй ажээ.
Эх сурвалжийн мэдээлснээр, МАН-ын удирдлагууд жагсаалтын эхний 10-д эмч, багш, малчин, инженерүүдийн төлөөллийг оруулах бодлого баримталж байгаа бөгөөд гурван ч инженер байгаа бололтой.
Мөн МАН-ын нэр дэвшигчдийн жагсаалтыг хот төлөвлөлтийн инженер мэргэжилтэй хүн тэргүүлнэ гэсэн мэдээлэл байна.
Э.ЭГШИГЛЭН