Хакүхо Шо нь (М.Даваажаргал) Япон улсын мэргэжлийн сумод бөхөөс дэвжээний эзэн багш хүртэл 24 жил тасралтгүй амжилт гаргасан. Тэрбээр, таван гиннесийн амжилтыг тогтоож их спортын талбарт онцгой үүрэг, гавьяа байгуулж, шударга спортын төлөө өөрийн үйл хэргээр үнэтэй хувь нэмэр оруулан манлайлж буйг үнэлж Монголын Олон улсын ба үндэсний Спортын арбитрын Удирдах зөвлөлийн 2024 оны дөрөвдүгээр сарын 19-ний өдрийн шийдвэрээр анхны “Хүндэт ерөнхийлөгч”-өөр өргөмжилсөн билээ. 
Энэхүү эрхэм хүндтэй анхны өргөмжлөлийг Ерөнхийлөгч Г.Батзаяа Япон улсын Токио хотод 2024 оны тавдугаар сарын 23-ны өдөр Хакүхо Шод гардуулан өглөө.
Хакүхо Шо нь 2004 онд Хөдөлмөрийн хүндэт, 2005 онд Алтан гадас, 2006 онд Гавьяат тамирчин, 2007 онд Сүхбаатарын одон, 2015 онд Хөдөлмөрийн баатар хүртэж байсан юм.
Хакүхо Шогийн Мэргэжлийн сумод гаргасан амжилт:
- 2004 он 5 сар – Дээд зиндаа
- 2005 он 1 сар – Комүсүби цол
- 2005 он 3 сар – Сэкиваке цол
- 2006 он 5 сар – Озэки цол
- 2007 он 5 сар – Ёкозүна цол
- 2015 он 3 сар – 34 удаа Мэргэжлийн сумод түрүүлж Дэлхийн Геннисын амжилт
- 2015 он 3 сар – 15 удаа дарааллан босоо түрүүлсэн Дэлхийн Геннисын амжилт
- 2023 он 8 сарын 27 – 121 удаа гарын хээ дардас ахиулсан.
Хакүхо Шогийн Мэргэжлийн сумод ажилласан байдал:
- 2001 оны 3 сард – Японы сүмо бөхийн холбооны Мияагино дэвжээний бөх
- 2021 оны 10 сард – Японы сүмо бөхийн холбооны Мияагино дэвжээний Туслах багш
- 2022 оны 8 сараас- Японы сүмо бөхийн холбооны Мияагино дэвжээний Эзэн багш
