Нүүрсний хулгайн хэрэгт холбогдсон гэх УИХ-ын гишүүн Т.Аюурсайхан, Н.Наранбаатар, Д.Бат-Эрдэнэ нарын бүрэн эрхийг түдгэлзүүлэх асуудлаар Халдашгүй байдлын дэд хороо өнөөдөр хуралдсан.
Есөн цаг хуралдсаны эцэст гишүүдийн бүрэн эрхийг түдгэлзүүлэхийг 100 хувийн саналаар дэмжлээ.
Одоо эл асуудлыг УИХ дахь МАН-ын бүлгийн хурлаар хэлэлцэж, шийдвэр гаргасны дараа Хууль зүйн байнгын хороо, Төрийн байгуулалтын байнгын хороо хуралдаж, хэлэлцэнэ. Улмаар байнгын хороодын саналыг үндэслэж УИХ-ын чуулганы нэгдсэн хуралдаанаар санал хурааж, эцэслэх юм.
