Сонгинохайрхан, Чингэлтэй, Сүхбаатар, Баянзүрх дүүрэгт байрлах далан сувгуудын урсцыг сайжруулан, өнгөрсөн долоо хоногт нийт 1.2×1.8×2000 шоо метр суваг татжээ. Авто замын гүүрэн гарц гаргаж, ус чөлөөтэй урсах нөхцөлийг бүрдүүлсэн байна.
Ингэхдээ усны машинаар 600 тонн, усны насосоор 10 мянган шоо метр ус соруулж, нийт 960 кг давс хийжээ. Мөн 520 тонн шороогоор далан үүсгэж, айл өрх, авто замын зорчих хэсэг рүү ус хальж орохоос сэргийлэн, аюулгүй байдлыг ханган ажиллажээ
Нийслэлийн хэмжээнд Баянзүрх, Чингэлтэй, Сонгинохайрхан, Сүхбаатар дүүргийн нутаг дэвсгэрт хөрсний уснаас үүссэн халиа тошин, уулын гуу жалга, сайрын цас мөс хайлж, шар усны үер үүсэх эрсдэл өндөр байдаг. Геодези, усны барилга, байгууламжийн газраас халиа тошин, шар усны үерээс урьдчилан сэргийлэх, үерийн хамгаалалтын барилга, байгууламж, далан суваг, замын ус зайлуулах шугам сүлжээ, авто замын доогуурх гүүрэн гарц, хоолойны ашиглалтын хэвийн найдвартай ажиллагааг ханган ажиллаж байгаа юм. 
