Засгийн газар өнөөдөр (2024.06.06) ээлжит хуралдаанаараа Засгийн газар “Эхийн алдар” одонтой эхэд олгодог мөнгөн тусламжийн хэмжээг нэмэх тухай асуудлыг хэлэлцэн шийдвэрлэжээ.
Тодруулбал, “Эхийн алдар” I зэргийн одонтой эхэд жилд нэг удаа олгох мөнгөн тусламжийн хэмжээг 400 мянга, II зэргийн одонтой эхэд 200 мянган төгрөг тус тус олгохоор шинэчлэн баталсан байна.
Тогтоолыг 2025 оны нэгдүгээр сарын 1-нээс дагаж мөрдөх бөгөөд шаардагдах хөрөнгийг Монгол Улсын 2025 оны төсөвт тусган шийдвэрлэхийг Сангийн сайд Б.Жавхлан, Хөдөлмөр, нийгмийн хамгааллын сайд Х.Булгантуяа нарт даалгажээ.
Н.УЯНГА