УИХ-ын чуулганы өнөөдрийн (2023.03.30) хуралдаанаар Д.Бат-Эрдэнэ, Н.Наранбаатар, Т.Аюурсайхан нарын гурван гишүүний бүрэн эрхийг түдгэлзүүлэх прокурорын саналыг хаалттай хэлэлцлээ.
Хаалттай хуралдаан 5 цаг орчим үргэлжилсний эцэст, цаасаар санал хураалт явуулснаар дуусжээ.
Улмаар УИХ-ын гишүүн Д.Бат-Эрдэнэ, Т.Аюурсайхан нарыг бүрэн эрхээс нь түдгэлзүүлж, Н.Наранбаатарын үлдээхээр шийдсэн байна.
Нууц санал хураалтад 65 гишүүн оролцож, Н.Наранбаатарын бүрэн эрхийг түдгэлзүүлэхгүй гэж 36 гишүүн санал өгсөн байна. Т.Аюурсайханы бүрэн эрхийг түдгэлзүүлэхийг 47 гишүүн дэмжсэн байна. Д.Бат-Эрдэнийн бүрэн эрхийг түдгэлзүүлэхийг 36 гишүүн дэмжжээ.
Ингэснээр УИХ цаашид 73 гишүүнтэйгээр бүрэн эрхээ хэрэгжүүлэхээр болж байна.
