Монгол Улсын нийгэм, эдийн засгийн 2024 оны эхний таван сарын голлох үзүүлэлтүүдийг өнөөдөр (2024.06.17) 11:00 цагт Үндэсний статистикийн хорооны байранд танилцуулна. Бид Монгол Улсын нийгэм, эдийн засгийн эхний таван сарын голлох үзүүлэлтүүдээс онцолж байна.
Улсын нэгдсэн төсвийн нийт орлого, тусламжийн хэмжээ 2024 оны эхний таван сарын урьдчилсан гүйцэтгэлээр 12.7 их наяд төгрөгт хүрч, өмнөх оны мөн үеэс 3.8 (42.1%) их наяд төгрөг, тэнцвэржүүлсэн орлого тусламжийн хэмжээ 12.1 их наяд төгрөгт хүрч, 3.6 (42.0%) их наяд төгрөгөөр тус тус өссөн байна.
Аж үйлдвэрийн салбар Нийт үйлдвэрлэл өмнөхоны мөн үеэс 15.9 хувиар өсч, 2024 оны эхний таван сарын урьдчилсан гүйцэтгэлээр 12.6 их наяд төгрөг болж, өмнөх оны мөн үеэс 1.7 (15.9%) их наяд төгрөгөөр өсчээ. Үүнд уул уурхай олборлолт 1.4 (18.1%) их наяд төгрөг, боловсруулах үйлдвэрлэл 246.5 (10.7%) тэрбум төгрөгөөр тус тус өссөн нь голлон нөлөөлсөн байна.
Уул уурхай, олборлох аж үйлдвэрийн салбарын нийт үйлдвэрлэл 2024 оны эхний 5 сарын урьдчилсан гүйцэтгэлээр 9.0 их наяд төгрөг болж, өмнөх оны мөн үеэс 1.4 (18.1%) их наяд төгрөгөөр өсөхөд чулуун болон хүрэн нүүрс олборлолт 1.4 (46.0%) их наядтөгрөгөөр,бусад ашигт малтмал олборлолт 37.9 (44.0%) тэрбум төгрөгөөр тус тус өссөн нь голлон нөлөөлсөн байна.
Уул уурхай, олборлох аж үйлдвэрийн салбарт зэсийн баяжмал, хүрэн нүүрс, чулуун нүүрс, төмрийн хүдэр, мөнгөний баяжмал, баяжуулсан нүүрс, цайрын баяжмал, хайлуур жоншны баяжмал, хайлуур жонш, төмрийн хүдрийн баяжмалын биет хэмжээ өмнө хоны мөн үеэс 5.2 хувиас 2.1 дахин өсчээ.
Цэвэршүүлээгүй алт, газрын тос 11.3–11.7 хувиар буурсан байна. Боловсруулах аж үйлдвэрийн салбарт шингэн сүү, металл бэлдэц, ноолууран сүлжмэл эдлэл, цемент, нүүрсэн шахмал түлш, шохой, ус, ундаа жүүс, самнасан ноолуур, цагаан архи зэрэг гол нэр төрлийн бүтээгдэхүүний үйлдвэрлэлийн биет хэмжээ 1.5 – 80.2 хувиар өссөн байна.
Цэвэр спирт, гурил, катодын зэс, янжуур тамхи, малын мах зэрэг гол нэр төрлийн бүтээгдэхүүний үйлдвэрлэл 4.8–31.7 хувиар буурчээ. Аж үйлдвэрийн салбарын борлуулсан бүтээгдэхүүн 2024 оныэхний 5 сарын урьдчилсан гүйцэтгэлээр 21.1 их наяд төгрөг болж, өмнөх оны мөн үеэс 3.1 (17.5%) их наяд төгрөгөөр өсөв. Үүнд:
Уул уурхай, олборлолтын салбарын борлуулалт 2.9 (20.8%) их наяд төгрөгөөр, цахилгаан хий, уур, агааржуулалтын салбарын борлуулалт 72.2 (8.4%) тэрбум төгрөгөөр өссөн нь голлон нөлөөлжээ.
Уул уурхай, олборлох аж үйлдвэрийн салбарын борлуулсан бүтээгдэхүүн өмнөх оны мөн үеэс 2.9 (20.8%) их наяд төгрөгөөр өсөхөд нүүрс олборлолтын салбарын борлуулалт 2.1 (26.5%) их наяд төгрөгөөр, металлын хүдэр олборлолт 838.8 (15.8%) тэрбум төгрөгөөр, бусад ашигт малтмал олборлолт 7.4 (4.7%) тэрбум төгрөгөөр тус тус өссөн нь голлон нөлөөлжээ.
