Өнөөдөр (2024.06.17) болох зарим үйл явдлын товч мэдээллийг хүргэж байна.
09:00 ЦАГТ:
СТӨ-нд МУИС-ийн 79 дэх удаагийн эрдмийн баярын ёслол, хүндэтгэлийн үйл ажиллагаа болно. Утас: 9458-2204.
10:00 ЦАГТ:
Төрийн ордны “Хүндэтгэлийн өргөө”-нд өнгөрсөн жилийн баяр наадмын үндэсний бөхийн барилдаанд М.Бадарчид өвдөг шороодсон нэр бүхий бөхчүүдэд Улсын цол, чимгийг нөхөн олгох ёслол болно. Утас: 8888-4463.
11:00 ЦАГТ:
ҮСХ-нд Монгол Улсын нийгэм, эдийн засгийн 2024 оны эхний таван сарын голлох үзүүлэлтүүдийг танилцуулна.
11:00 ЦАГТ:
МАН-ын төв байрны гадна АН-ын Дэд дарга И.Мөнхжаргал Өвөрхангай аймгийн Сант сумын Ардчилсан намын дарга бусдын гарт харамсалтайгаар амь насаа алдсан хэрэгтэй холбогдуулан Ерөнхий сайд Л.Оюун-Эрдэнийг шударга сонгууль зохион байгуулахыг шаардаж, мэтгэлцээнд дуудаж буй талаараа мэдээлэл хийнэ.
“ЗМ”-ний мэдээллийн төвд:
11:30 ЦАГТ:
“Гэр хороолол-хөгжлийн нам”-аас гэр хорооллын айл өрхүүдийн эрхийг хамгаалж худлаа амлалт өгч буй улс төрчдийн талаар мэдээлнэ.
12:00 ЦАГТ:
“Офицер” хорооллын захиалагчид баригдсан байрандаа орж чадахгүй байгаа талаараа мэдээлнэ.
-Монголын Урлагийн зөвлөлөөс зохион байгуулж буй “Моушин Монголиа-2024” наадам үргэлжилж, тайлан тоглолтоо “Улаанбаатар” театрын тайзнаа тоглож байна.
Х.ТҮШИГ